مەودا میدیا - کاروان نوری
 
ئەمڕۆ پەرلەمانی كوردستان كۆدەبێتەوە و خوێندنەوە بۆ چه‌ند پرۆژه‌ یاسایه‌ك ده‌كات، بەشێکی کۆبوونەوەکەش تایبەت دەبێت بە بابەتی پرساندنی سەرۆکی حکومەتی هەرێمی کوردستان و جێگرەکەی.
 
ئەمڕۆ سێشەممە (27-10-2020)، کاتژمێر 2ی پاشنیوەڕۆی دانیشتنی ژمارە 9ی ئاسایی خولی پایزە بەڕێوەدەچێت و خوێندنه‌وه‌ی یه‌كه‌م بۆ دوو پێشنیاز ئەنجام دەدرێت کە ئەوانیش (پاراستنی تۆڕ و بنچینه‌كانی ئاو و ئاوه‌ڕۆ له‌هه‌رێمی كوردستان-عێراق، به‌رێوه‌بردن و پاراستنی ئاو له‌هه‌رێمی كوردستان – عێراق، دانانی ئه‌ندامی په‌رله‌مان عومەر عەبدوڵڵا فەتاح له‌ لێژنه‌ی دارایی و كاروباری ئابووری).

هاوکات دانیشتنەکە بەشێکی تایبەت دەبێت بە بابەتی پرساندنی سەرۆکی حکومەتی هەرێمی کوردستان و جێگری سەرۆکی حکومەتی هەرێمی کوردستان و وەزیری دارایی و ئابووری بە پێی ماددەکانی (70-71-72)، لە پەیڕەوی ناوخۆیی پەرلەمانی کوردستان".

ک.ن