مەودا میدیا - کاروان نوری

وه‌زاره‌تی  ته‌ندروستیی عیراق رایگه‌یاند، له‌ ماوه‌ی‌ 24 كاتژمێری‌ رابردوودا دوو هه‌زار و 218 تووشبووی‌ نوێی‌ كۆرۆنا تۆماركراوه‌ و 48 كه‌سیش به‌هۆی‌ ڤایرۆسه‌كه‌وه‌ گیانیان له‌ده‌ستداوه.

ئه‌مڕۆ سێشه‌ممه‌ 1ی‌ كانوونی‌ یه‌كه‌می‌ 2020، وه‌زاره‌تی‌ ته‌ندروستیی عیراق ئاماری‌ 24 كاتژمێری‌ رابردووی‌ بڵاوكرده‌وه‌ به‌پێی‌ ئاماره‌كه‌ "له‌و ماوەیەدا دوو هه‌زار و 218 تووشبووی‌ نوێ‌ ده‌ستنیشانكراوه‌، 48 كه‌سیش به‌هۆی‌ ڤایرۆسه‌كه‌وه‌ گیانیان له‌ده‌ستداوه".

وه‌زاره‌تی‌ ته‌ندروستیی عیراق ئاماژه‌ی‌ به‌وه‌شكردووه‌، هه‌زار و 896 كه‌س چاكبوونه‌وه‌ته‌وه‌ و ڤایرۆسه‌كه‌یان تێپه‌ڕاندووه‌ به‌وه‌ش كۆی‌ گشتی‌ چاكبوونه‌وه‌ گه‌یشته‌ 484 هه‌زار و 570 كه‌س.