کوردستانی

رۆژی یەکشەممە مووچەی ئەم شوێنانە دابەش دەکرێت

مەودا میدیا - سلێمانی |


رۆژی یەکشەممە مووچەی ئەم شوێنانە دابەش دەکرێت
مەودا میدیا-

وەزارەتی دارایی و ئابووری حکومەتی هەرێمی کوردستان خشتەی دابەشکردنی مووچەی مانگی 10ی ئەمساڵی بۆ رۆژی یەکشەممە 6ی کانونی یەکەمی 2020 بڵاوکردەوە.

بەپێی خشتەکە، رۆژی یەکشەممە مووچەی مانگی 10ی 2020ی وەزارەتی پێشمەرگە و دیوانی وەزارەت و لیواکان و یەکەکانی 80 و 70 دابەش دەکرێت.

ئەوەشخراوەتەڕوو "مووچەی ئەم شوێنانە بە رێژەی لێبڕینی 21% دابەش دەکرێت، سەبارەت بە پلە تایبەتەکانیش بە هەمان رێژە و میکانیزمی پێشووە".

ئەمەش لە کاتێکدایە، ئەمڕۆ پێنجشەممە 3ی کانونی یەکەمی 2020 مووچەی مانگی 10ی 2020ی وەزارەتی تەندروستیی حکومەتی هەرێمی کوردستان دابەشکرا.

س.س