مەودا میدیا

نووسینگەی ئەمینداری گشتیی وەزارەتی پێشمەرگەی حکومەتی هەرێمی کوردستان روونکردنەوەیەکی بڵاوکردەوە لەبارەی لێدوانێکییەوە سەبارەت بە خاڵە سنوورییەکانی هەرێمی کوردستان.

لە روونکردنەوەیەکەدا نووسینگەی جەبار یاوەر، ئەمینداری گشتیی وەزارەتی پێشمەرگەی حکومەتی هەرێمی کوردستان رایگەیاند "وەکو نووسینگەی رۆژنامەوانیی ئەمینداری گشتی وەزارەتی پێشمەرگە، رەتیدەکەینەوە کە ھیچ لێدوانێکی رۆژنامەوانیی جەبار یاوەر ھەبێت بۆ ھیچ ھۆکارێکی راگەیاندن لە بارەی بڵاوبوونەوەی ھەواڵی دامەزراندنی ھێزێکی ھاوبەش لە ھێزەکانی پێشمەرگە و ھێزەکانی ناوخۆ بۆ پارێزگاریکردن لە خاڵە سنوورییەکان".

هاوکات لە روونکردنەوەکەی ئەمینداری گشتیی وەزارەتی پێشمەرگەی حکومەتی هەرێمی کوردستان "تائێستا ھیچ وردەکاریەک لە بارەی ئەم بابەتە نەگەیشتووەتە وەزارەتی پێشمەرگە''.

س.س