کوردستانی
لە کەرکوک بەرپرسێکی باڵای داعش دەستگیرکرا
مەودا میدیا - سلێمانی |
مەودا میدیا-
دوێنێ لە کەرکوک و دەوروبەری سێ چەکداری داعش کوژران و بەرپرسێکی ئەو رێکخراوەش دەستگیرکرا.
سەعد حەربییە، فەرماندەی ئۆپەراسیۆنەکانی کەرکووک لە راگەیەنراوێکدا ئەوەی خستەڕوو کە لە بۆردوومانێکی سوپای عیراقدا لە گوندێکی نزیک داقوق سێ چەکداری داعش کوژراون.
ناوبراو ئاماژەی بەوەشکردووە دەزگای دژەتیرۆری عیراقی توانیویەتی لە ناو شاری کەرکوک بەرپرسێکی داعش دەستگیر بکات.
لە ساڵانی رابردووشدا کەرکوک و دەوروبەری وەکو یەکێک لەو ناوچانە دادەنرا کە داعش زۆرترین هێرش بۆ کردووە و چالاکی تێدا ئەنجامداوە.
ب.م
بیروڕا
