مەودا میدیا-

کادرێکی پارتی دیموکراتی کوردستان رایدەگەیەنێت لە نزیکترین کاتدا لیژنه‌یەکی باڵای مه‌کته‌بی سیاسی به ‌به‌رنامه‌  سه‌ردانی سه‌رجه‌م هێزه‌ سیاسییه‌کانی کوردستان ده‌کات باس لەوەش دەکات سەردانەکە بۆ لابردنی لەمپەرە لەبەردەم لایەنە سیاسییەکان.

کارزان سەباح هەورامی، رۆژنامەنووس لە دەزگای رۆشنبیری و راگەیاندنی پارتی بە مەودا میدیای وت "لیژنه‌یەکی باڵای مه‌کته‌بی سیاسیی پارتی به ‌به‌رنامه‌ سه‌ردانی سه‌رجه‌م هێزه‌ سیاسییه‌کانی کوردستان دەکات" و وتیشی "سەردانی ئەو وەفدی خۆئامادەکرنە بۆ ئەو تەحدییانەی کە دێنە پێش هەرێمی کوردستان".

هەورامی ئاماژەی بەوەش کردووە "وەفدەکەی پارتی ئامانجی رێکخستنی ناو ماڵی کوردیە" روونیشی کردووە "پارتی دەیەوێت گفتوگۆ لە بارەی ناوچە کوردستانییەکانی دەرەوەی هەرێمی کوردستان لەگەڵ لایەنە سیاسییەکان بکات".

ئەو رۆژنامەنووسە ناوی وەفدەکەی پارتی هێناوە کە پێک هاتوون لە زه‌عیم عه‌لی، عه‌لی حسێن و که‌مال که‌رکوکی و کاکه‌مین نه‌جار ئەندامانی مەکتەبی سیاسیی پارتی.

ک.ر