مه‌ودا میدیا-

به‌پێی دوایین زانیاریی و ئاماره‌كان ژماره‌ی ئه‌و كه‌سانه‌ی به‌هۆی بومه‌له‌رزه‌كه‌ی خارپێت له‌ توركیا گیانیان له‌ ده‌ستدا به‌رزبوویه‌وه‌ بۆ 36 كه‌س و 45 كه‌سیش له‌ژێر دار و په‌ردوی باڵه‌خانه‌ و خانووه‌ رووخاوه‌كاندا ده‌رهێنراون.

به‌پێی ئاماره‌كان 72 باڵه‌خانه‌ خاپووربوون و 514 باڵه‌خانه‌ و ماڵ زیانی زۆریان به‌ركه‌وتووه‌ و 409 باڵه‌خانه‌ش به‌رێژه‌ی كه‌متر زیانیان به‌ركه‌وتووه‌.

ئێواره‌ی 24ی كانونی دووه‌می 2020 بومه‌له‌زه‌یه‌ك به‌ گوڕی 6,8 پله‌ شاری خارپێتی له‌ باكوری كوردستان هه‌ژاند و دوای ئه‌و بومه‌له‌رزه‌یه‌ش چه‌ند بومه‌له‌رزه‌یه‌كی تر به‌ گوڕی جیاواز ئه‌و ناوچه‌یه‌ی هه‌ژانده‌وه‌.