مەودا میدیا-

فه‌رمانده‌ی هێزه‌كانی سوریای دیموكرات "هەسەدە" رایده‌گه‌یه‌نێت دروستبوونی په‌یوه‌ندییان له‌گه‌ڵ ئه‌مریكا له‌ڕێگه‌ی یه‌كێتیی نیشتمانی كوردستانه‌وه‌ بووه‌ ئاماژەی بەوەشکرد  یەکێتی لەکاتی شه‌ڕی كۆبانێ رۆڵێكی گرنگی بینیوه‌ .

مه‌زڵوم كۆبانێ، فه‌رمانده‌ی هێزه‌كانی سوریای دیموكرات "هەسەدە" له‌چاوپێكه‌وتنێكدا له‌گه‌ڵ رۆژنامه‌ی كوردستانی نوێ رایگەیاند "توانیومانه‌ له‌ڕێگه‌ی یه‌كێتیی نیشتمانیی كوردستانه‌وه‌ په‌یوه‌ندی له‌گه‌ڵ ئه‌مریكا دروستبكه‌ین".

ئاماژەی بەوەشکرد "یه‌كێتیی نیشتمانیی كوردستان به‌ تایبه‌تی له‌كاتی شه‌ڕی كۆبانێ رۆڵێكی گرنگیان بینیوه‌ له‌ گواستنه‌وه‌ی هێزه‌كانی ئه‌مریكا بۆ ڕۆژئاوای كوردستان و هاوكارییان كردوون و تا ئێستاش له‌چوارچێوه‌ی هێزی هاوپه‌یمانانی نێوده‌وڵه‌تی له‌ رۆژئاوای كوردستان بوونیان هه‌یه‌".