مەودا میدیا-

وەزیری پەروەردەی حکومەتی هەرێمی کوردستان ژمارەیەکی زۆر فێنککەرەوەی بۆ قوتابخانەکان دابینکرد، بەڕێوەبەرایەتیی گشتیی پەروردەی هەولێر رەوانەی قەزا و ناحییەکانی کردووە.

بەپێی چەند سەرچاوەیەک ئالان حەمەسەعید، وەزیری پەروەردەی حکومەتی هەرێمی کوردستان ژمارەیەکی زۆر فێنککەرەوەی بۆ قوتابخەکانی هەرێمی کوردستان دابینکردووە و رایگەیاند، "بەهۆی ئەوەی خوێندنی ئەمساڵ دواکەوتووە و قوتابیان دەکەونە وەرزی گەرما و هاوینەوە، بڕیارماندا بە دابینکردنی ژمارەیەکی زۆر فێنککەرەوە تائەوەی قوتابیان لێی سودمەندبن".

ئاماژە بەوەشکراوە، بەڕێوەبەرایەتیی گشتیی پەروەردەی هەولێر رەوانەی بەڕێوەبەرایەتیی پەروەردەی قەزا و ناحییەکانی کردووە، تائەوەی بەپێی پێویستی بەسەر قوتابخانەکاندا دابەشبکرێن.

پ.ح