مەودا میدیا-

نوێنه‌ری نه‌ته‌وه‌یه‌كگرتووه‌كان بۆ كاروباری لیبیا رایگەیاند بەهۆی ئاڵۆزیه‌كانی لیبیاوە 70 هه‌زار منداڵی لیبیا له‌ خوێندن دابڕاون.

غه‌سان سه‌لامه‌، نوێنه‌ری نه‌ته‌وه‌یه‌كگرتووه‌كان بۆ كاروباری لیبیا، له‌ میانی كۆبوونه‌وه‌ی ئه‌نجومه‌نی ئاسایشی نێوده‌وڵه‌تی تایبه‌ت به‌ ره‌وشی لیبیا رایگه‌یاند "رێككه‌وتنه‌كانی ئاشتی له‌ لیبیا ته‌نیا مره‌كه‌بی سه‌ر كاغه‌زه‌ و به‌شێك له‌و وڵاتانه‌ی پشتیوانیان له‌ رێككه‌وتنی ئاشتی له‌ لیبیا ده‌كرد له‌ پشتی په‌رده‌وه‌ كار بۆ پێشێلكردنی ئاگربه‌ست ده‌كه‌ن".

ئەوەشی ئاشکرا کرد "به‌هۆی ئاڵۆزیه‌كانی لیبیا 70  هه‌زار منداڵ له‌ خوێندن بێبه‌شبوون".

هەر لە کۆبوونەوەکەدا ئاماژەی بەوەكرد "له‌ سه‌ره‌تای راگه‌یاندنی پڕۆسه‌ی ئاگربه‌سته‌وه‌ زیاتر له‌ 110 جار ئاگربه‌سته‌كه‌ پێشێلكراوه‌".