مەودا میدیا-

ڤایرۆسی کۆرۆنا ڤایرۆسێکی کوشندەیە و لە سەرەتای ئەمساڵەوە لە وڵاتی چین بڵاوبووەوە و مەترسی ئەوەی هەیە بۆ سەرجەم وڵاتانی جیهان بگوازرێتەوە لەبەر ئەم هۆکارەش ئەمڕۆ رێکخراوی تەندروستی جیهانی باری نایاسایی راگەیاند.

بەپێی هەواڵی میدیا جیهانییەکان، ئەمڕۆ لە حکومەتی روسیا تۆمارکردنی دوو حاڵەتی توشبووی ڤایرۆسی کۆرۆنای راگەیاند، لەبەر ئەم هۆکارەش گەشتەکانی بۆ وڵاتی چین راگرت.

هاوكات هەر ئەمڕۆ بەرپرسانی تەندروستی رایانگەیاند ژنێک لەو وڵاتە توشی ڤایرۆسی کۆرۆنا بووە ئەمەش دوای ئەوە دێت کە سەردانی وڵاتی چینی کردووە، هەروەها لە ئیتاڵیاش دوو حاڵەتی کۆرۆنا تۆمارکرا.

لە ئێستاشدا ڤایرۆسەکە لە 25 وڵاتی جیهان بڵاوبووەتەوە پێشبینی دەکرێت ڤایرۆسەکە لە وڵاتانی دیکە بڵاوبێتەوە، لەبەر ئەم هۆکارەش بەشێکی زۆر لەوڵاتان گەشتەکانیان بۆ وڵاتی چین راگرتووە و رێککاری تەندروستیان گرتووەتە بەر بۆ خۆپاراستن لە ڤایرۆسی کۆرۆنا  کە بەهۆیەوە 214 کەس گیانیان لەدەستداوە.