مەودا میدیا-

حکومەتی هەرێمی کوردستان لەڕێگەی فەرمانگەی میدیا و زانیارییەوە کەمپەینێکی راگەیاندووە، تیایدا هاوڵاتییان پرسیار دەکەن و وتەبێژی حکومەتی هەرێم وەڵامیان دەداتەوە، کەمپەینەکە هەر جارە و پرسێک دیاریدەکات و هاوڵاتییان پرسیاری لەسەر دەکەن.

فەرمانگەی میدیا و زانیاریی حکومەتی هەرێمی کوردستان لە تۆڕی کۆمەڵایەتیی تویتەر لەلاپەڕەی فەرمی حکومەتی هەرێم، کەمپەینێکی راگەیاندووە بەناوی "پرسیار لە حکومەتی هەرێمی کوردستان" تیایدا هاوڵاتییان پرسیار دەکەن و جوتیار عادل، وتەبێژی حکومەت وەڵام دەداتەوە.

کەمپەینەکە لە تویتەر هەرجارە و لە جریوەیەکدا پرسێک دیاریدەکات و هاوڵاتییان راستەوخۆ لە هەمان تۆڕەوە پرسیار ئاراستەی حکومەت دەکەن، دواتر لەسەر ئەو پرسە وتەبێژی حکومەت وەڵامی سەرجەم پرسیارەکان دەداتەوە.

پ.ح