مەودا میدیا-

فەرمانگەی میدیا و زانیاری حکومەتی هەرێمی کوردستان رایدەگەیەنێت بڕی 2 ملیار و 500 ملیۆن دینار بۆ كه‌مكردنه‌وه‌ی زیانه‌كانی وشكه‌ساڵی خه‌رج ده‌كرێت، ئاماژە بەوەشکراوە ئەو پارە بۆ سەرجەم پارێزگا و ئیدارە سەربەخۆکانە.

ئەمڕۆ چوارشەممە 23ی حوزەیرانی 2021 فەرمانگەی میدیا و زانیاری حکومەتی هەرێمی کوردستان رایگەیاند "لەسەر راسپاردەی مەسرور بارزانی، سەرۆکی حکومەتی ھەرێمی کوردستان بڕی 2 ملیار و 500 ملیۆن دینار بۆ كه‌مكردنه‌وه‌ی زیانه‌كانی وشكه‌ساڵی خه‌رج ده‌كرێت".

ئاماژە بەوەشکراوە "ئاماژە بە بڕیاری ئەنجوومەنی وەزیران ژمارە (100) لە رێکەوتی 21/4/2021 کە تایبەت بوو بە بابەتی وشکەساڵی لە ھەرێمی کوردستان بڕی (2.500.000.000) دوو ملیار و پێنج سەد ملیۆن دینار بۆ چارەسەری کێشەی دابینکردنی ئاوی خواردنەوەی ماڵان وەک ھەنگاوی یەکەم لە پارێزگاکان و ئیدارە سەربەخۆکان خەرج کرا".

س.س