مەودا میدیا- 

پێشنیوەڕۆی ئەمڕۆ شەممە گەنجێک لە گەڕەکی راپەڕینی شاری کەرکوک لە بەردەم ماڵی خۆشەویستەکەیدا بەنزینی بە خۆیداکرد و خۆی سوتاند. 
 
عامر نوری، وتەبێژی پۆلیسی کەرکوک  رایگەیاند "پێشنیوەڕۆی ئەمڕۆ شەممە گەنجێکی تەمەن 19 ساڵ لە گەڕەکی راپەڕینی شاری کەرکوک لە بەردەم ماڵی خۆشەویستەکەیدا بەنزینی بە خۆیداکرد و خۆی سوتاند، بەوهۆیەوە لە 60% جەستەی سوتاوە".

ئاماژەی بەوەشکرد "گەنجەکە ناوی (ع. ر) بووە لە نەتەوەی عەرەبە و دانیشتووی گەڕەکی حساباتی کەرکوکە پێشتر سێ جار چووەتە داوای ئەو کچەی کە خۆشیویستووە و پێیان نەداوە، لەئێستادا گەنجەکە لە نەخۆشخانەیە و باری تەندروستی جێگیر نییە".
 
س.س