مەودا میدیا-

وەزارەتی نەوتی عیراق ئاشکرایکرد لە مانگی رابردوودا 86 ملیۆن و 765 هەزار و 589 بەرمیل نەوت رەوانەی دەرەوە کراوە و هەر بەرمیلێک بە 70 دۆلار و 77 سەنت مامەڵەی پێوەکراوە، داهاتی نەوتی ئەم مانگە بەراورد بە مانگەکانی رابردوو زیادیکردووە.

وەزارەتی نەوتی عیراق ئەمرۆ پێنجشەممە 1ی تەمموزی 2021 لە راگەیەندراوێکدا بڵاویکردەوە لە مانگی حوزەیرانی رابردوودا بڕی 86 ملیۆن و 765 هەزار و 589 بەرمیل نەوت هەناردەی بازاڕەكانی جیهان كراوە، ئەم بڕەش بە پشتبەستن بە داتای کۆمپانیای سۆمۆ دیاریکراوە.

ئاماژە بەوەشکراوە "یەک بەرمیل نەوت بە 70 دۆلار و 77 سەنت فرۆشراوە ئەمەش بڕەکەی زۆر زیاترە لە مانگەکانی رابردوو، بەهۆی ئەوەی نرخی نەوت بەرزبووەتەوە و پێشتر بە 65 دۆلار مامەڵەی پێوە دەکرا".

پ.ح