مەودا میدیا-

نه‌ته‌وه‌ یه‌كگرتووه‌كان له‌ عیراق پێشوازی له‌ راسپاردنی محه‌مه‌د ته‌وفیق عه‌لاوی بۆ پێكهێنانی كابینه‌ی نوێی حكومه‌تی عیراق كرد.

له‌ په‌یامێكدا جێنین هانس پلاسخارت، نوێنه‌ری نه‌ته‌وه‌ یه‌كگرتووه‌كان له‌ عێراق گوتی: "عیراق زۆر پێویستی به‌ هه‌نگاونان به‌ره‌و پێشه‌وه‌ هه‌یه‌ و سه‌رۆك وه‌زیرانی راسپێردراو ئه‌ركی قورسی له‌سه‌ر شانه‌، ئه‌ویش پێكهێنانی كابینه‌ی نوێی حكومه‌ته‌ به‌ زووترین كات و ده‌بێت په‌رله‌مانیش به‌په‌له‌ په‌سه‌ندی بكات، بۆ ئه‌وه‌ی هه‌نگاوه‌كانی چاكسازیش له‌ پێناو جێبه‌جێكردنی داواكاری گه‌ل و چه‌سپاندنی دادپه‌روه‌ری و لێپرسینه‌وه‌ خێرا بكرێن".

ئەمەش دوای ئەوە دێت ئێواره‌ی دوێنێ به‌رهه‌م ساڵح، سه‌رۆك كۆماری عیراق به‌ فه‌رمی محه‌مه‌د ته‌وفیق عه‌لاوی بۆ پێكهێنانی كابینه‌ی نوێی حكومه‌تی عیراق راسپارد.