مەودا میدیا-

وەزارەتی تەندروستی هەرێمی کوردستان رایگەیاند، حەوت کۆمپانیای دەرمان لە ھەولێر و کۆمپانیایەک لە دھۆک بەھۆی سەرپێچییەوە داخران.

 

لە راگەیەندراوێکدا وەزارەتی تەندروستی حکومەتی هەرێمی کوردستان ئاماژەی بۆ ئەوەکرد، لە درێژەی کارو چالاکییەکانی وەزارەتی تەندروستی، بەڕێوەبەرایەتیی کۆنتڕۆڵی جۆری دەرمان، لێژنەکانی چاودێری بازاڕ  و ھاوشان لەگەل پۆلیسی شارەوانی قەزای ناوەندی ھەولێر و دھۆک هەشت کۆمپانیای دەرمان داخران.

 

لە راگەیەندراوەکەدا ئاماژە بۆ ئەوەشکراوە، بەھۆکاری سەرپێچی جۆراوجۆر و پابەندنەبوون بە رێنمایی و مەرجەکانی وەزارەت و کوالێتی کۆنتڕۆڵی دەرمان ئەو کۆمپانیایانە داخراون.

 

باس لەوەشکراوە، دامەزراوەی کۆنتڕۆڵی جۆری دەرمان ھۆشداری دەدات بە سەرجەم کۆمپانییاکانی دەرمان پابەندی رێنمایەکانبن و بەپێچەوانەوە رووبەڕووی سزای یاسایی توندیان دەکاتەوە.

 

ر. ر