مەودا میدیا-

بەڕێوەبەرایەتیی دژەتیرۆری ئاژانسی پاراستن و زانیاری کوردستان رایدەگەیەنێت دەزگاكەیان هێزی بەرجەستەكردنی سەروەریی یاسا و راپێچكردنی تاوانبارانە بۆ بەردەم یاسا، لە هەر شوێنێك تاوانباران خۆیان حەشار بدەن و بیانەوێت لە لێپرسینەوەو سزادان هەڵبێن.

لە راگەیەندراوەکەدا هاتووە "دەزگاكەمان هێزی بەرجەستەكردنی سەروەریی یاسا و راپێچكردنی تاوانبارانە بۆ بەردەم یاسا، لە هەر شوێنێك تاوانباران خۆیان حەشار بدەن و بیانەوێت لە لێپرسینەوەو سزادان هەڵبێن، ئێمە راپێچی بەردەم یاسایان دەكەین".

ئاماژە بەوەشکراوە "لەكاتێكدا بەڕێوەبەرایەتیی گشتیی دژەتیرۆر خۆی بە دوورگرتووە لە ململانێ سیاسییەكان، بەڵام هەندێك كەس و تاقم بۆ مەرامی سیاسی، ناو و لۆگۆی دژە تیرۆر بەكاردەهێنن".

ئەوەش هاتووە "ئێمە رێگە بەچەواشەكاریی لەوجۆرە نادەین لێكۆڵینەوەمان دەستپێكردووەو هەر كەس و تاقمێك تێوەگلابن، رووبەڕووی یاسایان دەكەینەوە".

س.س