مەودا میدیا-

بەڕێوەبەرایەتیی کەشناسی و بوومەلەرزەزانی هەرێمی کوردستان پێشبینی دەکات ئەمشەو ئاسمانى ناوچه‌كانى رۆژهه‌ڵات و ناوچه‌ شاخاويیه‌كان نيمچه‌ هه‌ور بێت.

لە راگەیەندراوەکەدا هاتووە "پێشبينى ده‌كرێت ئه‌مشه‌و ئاسمانى ناوچه‌كانى رۆژهه‌ڵات و ناوچه‌ شاخاویيه‌كان نيمچه‌ هه‌ور بێت و ئاسمانى ناوه‌ڕاستى هه‌رێم ساماڵ و په‌ڵه‌هه‌ر هه‌ندێک كات ده‌گۆڕێت بۆ نيمچه‌هه‌ور له‌گه‌ڵ بارينى نمه‌ باران و بروسك و زيادبوونى خێرای با له‌دوای نيوه‌شه‌و بەشێوەی پچڕ پچڕ تا به‌يانى به‌ تايبه‌ت له‌ ناوچه‌ شاخاويیه‌كان، هه‌روه‌ها پێشبينى بارانى مام ناوه‌ند هه‌وره‌ تريشقه‌ى كورت خايه‌ن ده‌كرێت له‌ هه‌ندێ ناوچه‌ى وه‌كو خانەقين و ده‌وروبه‌رى".

ئاماژە بەوەشکراوە "به‌هۆی ناسه‌قامگيرى كه‌شوهه‌وا ئه‌گه‌ر هه‌يه‌ نمه‌ باران و هه‌وره‌ تريشقە له‌ هه‌ر شوێنێك ده‌ستپێبكات".

  
ئەمەش بڕی بارانى 12 كاتژمێرى رابردووى هه‌ندێك له‌ ناوچه‌كانى هه‌رێمی کوردستان

- سلێمانى 0.2 ملم

- چه‌مچه‌ماڵ  دڵۆپ دڵۆپ

- قه‌ڵادزێ  10.8 ملم

- هه‌ڵشۆ 2.8 ملم

 - مه‌يدان 0.2 ملم

- سيده‌كان  0.2 ملم

-  دهۆك دڵۆپ دڵۆپ

- زاحۆ دڵۆپ دڵۆپ

- كەركوك دڵۆپ دڵۆپ

س.س