مەودا میدیا-

 

بەڕێوەبەرایەتیی هاتوچۆی گەرمیان رایگەیاند، لە رووداوێکی هاتوچۆدا لە ناحیەی مەیدان لە گەرمیان، هەشت کەس بریندار بوون.

  

لە راگەیەندراوێکیدا بەڕێوەبەرایەتیی هاتوچۆی گەرمیان ئاماژەی بۆ ئەوەکرد، رووداوەکە کاتژمێر 10:30ی خولەکی شەوی رابردوو لە نزیک گوندی هۆرێن بەهۆی پێکدادانی دوو ئۆتۆمبێلی جۆری (نیسان سەنی و نیسان پیکاب) روویداوە.  

  

باسی لەوەشکردووە "ئۆتۆمبێلی جۆری نیسان سەنی لە سەرتەکەوە بە ئاڕاستە مەیدان رۆشتووە، شۆفێر و چوار سەرنشینی تێدا بووە کە سیانیان منداڵن و سەرجەمیان برینداربوون، هەروەها ئۆتۆمبێلی جۆری پیکاب بەپێچەوانەوە رۆشتووە، شۆفێر و دوو سەرنشینی تێدا بووە کە یەکێکیان منداڵە و سەرجەمیان برینداربوون".

 

ئەوەشی خستووتەڕوو، کە بریندارەکان گواستراونەتەوە بۆ نەخۆشخانەی شەهید مەلا ئەحمەد لەناحیەی باوەنور بەمەبەستی وەرگرتنی چارەسەر، لەلایەن تیمی هاتووچۆوە لێکۆڵینەوە لە رووداوەکە دەستی پێکردوە.  

 

ر. ر