مه‌ودا میدیا-

سه‌رۆك كۆماری ئه‌مریكا له‌ وتاری ساڵانه‌ی خۆیدا له‌به‌رده‌م ئه‌ندامانی كۆنگرێس باسی له‌ دۆخی ئابووری و ئاسایشی نه‌ته‌وه‌یی ئه‌مریكا و كه‌رتی په‌روه‌رده‌ و ته‌ندروستی كرد، ئه‌وه‌ی خسته‌ڕوو له‌ عیراق و سووریا داعش به‌ته‌واوی كۆتایی هاتووه‌.

دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مریكا له‌به‌رده‌م ئه‌ندامانی كۆنگرێس و وه‌زیره‌كان و جێگری سه‌رۆكی ئه‌مریكا وتاری ساڵانه‌ی خۆی پێشكه‌ش كرد و راگه‌یاند "ژمارەی تاوانەکان لە ئەمریکا لە کەمبوونەوەدان، 10 ساڵی ئابووری خراپ لە ئەمریکا کۆتاییهات و دابینکردنی هەلی کار زیادی کردووە".
 
له‌ به‌شێكی وتاره‌كه‌یدا سه‌رۆكی ئه‌مریكا وتی " زیاتر لە 20 هەزار میل چوارگۆشە لە عیراق و سووریا لە ژێردەستی ڕێكخراوی داعشدا بوو، بەڵام ئێستا 100% كۆتایی هاتووە و ئەبوبەكر بەغدادی خەلیفەی ڕێكخراوەكەشمان كوشتووە".