مەودا میدیا-

فیلمی سینەمایی (ئەزموون)The Exam کە لەدەرهێنانی سینەماکاری کورد شەوکەت ئەمین کورکـییە رۆژی چوارشه‌مه 25ی ئابی 2021 بەشداری لە فێستیڤاڵێکی نێوده‌وڵه‌تی فیلمی "کاڕلۆڤی ڤاری" Karlovy Vary کرد لە کۆماری چیک.

ستافی فیلمەکە پێکهاتوون لە (شەوکەت ئەمین کورکی) ده‌رهێنه‌ر، (مەمەد ئەکتاش)پڕۆدیوسەر، ئاڤان جەماڵ و ڤانیا سالار وەک ئه‌کته‌رانی سه‌ره‌کی، لەبه‌شی (پێشبڕکێی سه‌ره‌کی) Crystal Globe په‌نجاوپێنجه‌مین خولی فێستیڤاڵی نێوده‌وڵه‌تی فیلمی "کاڕلۆڤی ڤاری" Karlovy Vary له بەشی پێشبرکێ نمایشکراو له لایه‌ن بینه‌رانەوە پێشوازییه‌کی باشی لێکرا.

ئەکتەرانی فیلمەکە پێکهاتوون لە ئاڤان جەمال، یەحیا سالار، حسێن حەسەن، شوان عەتوف، وشیار زیرۆ، کاوە قادر، عادل عەبدولڕەحمان، حەمەڕەید هەرەس و نیگار عوسمان و چەند هونەرمەندێکی دیکە.