مەودا میدیا-

ئەو پزیشکە چینیەی بۆ یەکەمجار ڤایرۆسی کۆرۆنای دۆزییەوە گیانی لەدەستدا کە لە مانگی کۆتایی ساڵی رابردوو هەواڵی بڵاوبوونەوەی ڤایرۆسەکەی راگەیاند.

لی وێنلیانگ،  پزیشکێکی چینیە و لە یەکێک لە نەخۆشخانەکانی وھان کاری کردووە. 30 مانگی 12ی ساڵی رابردوو یەکەم کەس بووە کە ڤایرۆسی کۆرۆنای دۆزیووەتەوە، بەڵام لەلایەن پۆلیس و دەزگا ئەمنیەکانی چینەوە بێدەنگ کراوە.

ئەو پزیشکە سەرجەم پزیشکەکانی هاوڕێی ئاگادارکردەوە لە بڵاوبوونەوەی ئەو ڤایرۆسە، بەڵام پۆلیس لی وێنلیانگ چەند هاوڕێیەکیان دەستگیرکردوو بە تۆمەتی بڵاوکردنەوەی هەواڵی ناڕاست.

لی وێنلیانگ دوای تووشبوونی به‌ کۆرۆنا لە ژێر چاودێری چڕدابوو و بە ئەستەم دەیتوانێ ھەناسە بدات. سه‌ره‌نجام گیانی له‌ده‌ستدا.