مەودامیدیا- 

راوێژکاری ئابووری و دارایی سەرۆک وەزیرانی عیراق رایدەگەیەنێت پێشبینی دەکەین نرخی بەرمیلێک نەوت بگایە 100 دۆلار، ئاماژەی بەوەشکرد پێدەچێت ئەو بەرزبوونەوەیە زیانی هەبێت نەک سوود.

مەزهەر محەمەد ساڵح، راوێژکاری ئابووری و دارایی مستەفا كازمی، سەرۆك وەزیرانی عیراق رایگەیاند "پێشبیندەكرێت نرخی بەرمیلێك نەوت بۆ 100 دۆلار بەرزببێتەوە، بەڵام ئەو بەرزبوونەوەیە گەشبینانە نییە، چونكە دەبێتەهۆی سەرهەڵدانی قەیرانی وزە لە جیهاندا و بەوەش هەڵئاوسان روودەدات".

ئاماژە بەوەشدەکات "هەڵئاوسان بەرزبوونەوەی نرخی شمەك و كاڵا بەدوای خۆیدا دەهێنێت و گرانبوونی نرخی خۆراكی لێدەكەوێتەوە، ئەمەش زیان دەبێت بۆ هاوڵاتییان".

س،ر