مەودا میدیا-

بەڕێوەبەرایەتیی پۆلیسی هەولێر رایدەگەیەنێت ئێوارەی ئەمڕۆ کەسێک ویستوویەتی بچێتە ناو فەرمانگەی پەیوەندییەکانی دەرەوەی حکومەتی هەرێم و هێرشی کردووەتە سەر پاسەوانەکان و لە ئەنجامی رووبەڕووبوونەوە گیانی لەدەستداوە.

لە راگەیەندراوەکەی پۆلیسدا هاتووە "ئێوارەی ئەمڕۆ شەممە 27ی تشرینی دووەمی 2021 کاتژمێر 6:00 کەسێک ویستوویەتی بچێتە ناو فەرمانگەی پەیوەندییەکانی دەرەوەی حکومەتی هەرێم و هێرشی کردووەتە سەر پاسەوانەکان، ئەوانیش رووبەڕووی بوونەتەوە و لە ئەنجامدا گیانی لەدەستداوە".

ئاماژە بەوەشکراوە "هێزەکانمان دەستبەجێ گەیشتنە شوێنی رووداو و تەرمی کوژراوەکه‌ بە ناوی (م. م) بۆ پزیشکی دادی گواستەوە، لەئێستادا لێکۆڵینەوە دەستی پێکردووە و دواتر زانیاریی زیاتر لەوبارەیەوە بڵاو دەکەینەوە".

س،ر