مه‌ودا میدیا-

کۆمسیۆنی باڵای سەربەخۆی هەڵبژاردنەکانى عیراق رایگه‌یاند، ئاماده‌كارییه‌كانى هه‌ڵبژاردنى په‌رله‌مانى عیراق به‌ره‌و كۆتایی ده‌چن و هیچ گرفتێكى ته‌كنیكى نه‌ماوه‌.

حەسەن هادی زایر، ئەندامی تیمی راگەیاندنی کۆمسیۆنی باڵای سەربەخۆی هەڵبژاردنەکان رایگه‌یاند "کۆمسیۆن بەهەنگاوی چەسپاوەوە بەرەو رۆژی دەنگدان دەڕوات، ئامادەکارییەکان بە باشی تەواوكراون لەسەر ئاستی تەکنیکی و کارگێڕی و لۆجستی".

وتیشى "ئامادەکارییەکانی تایبەت بە رۆژانی دەنگدانی تایبەت و گشتیی بە ئاسانی بەڕێوەدەچێت و پرۆسەی ئامادەكردنی کۆگاکان ئامادەكراون لەگەڵ زامنكردنی کەرەستە هەستیارو و ناهەستیارەكان".

ئه‌وه‌شى خسته‌ڕوو "کۆمسیۆن بە یەك هێڵی  یەكگرتوو كاردەكات كە لایەنە کارگێڕی و تەکنیکی و ئەمنییەکان لەخۆدەگرێت تا گەیشتن بە رۆژی دەنگدانی تایبەت لە 9ی مانگى داهاتوو و رۆژی دەنگدانی گشتی لە 11ى هه‌مان مانگ".

ع