کوردستانی

ئامادەکاریی بۆ بودجەی 2022ی هەرێمی کوردستان دەکرێت

مەودا میدیا - سلێمانی |


ئامادەکاریی بۆ بودجەی 2022ی هەرێمی کوردستان دەکرێت
مەودا میدیا-

وەزارەتی دارایی و ئابووریی حکومەتی هەرێمی کوردستان ئامادەکاری بۆ پرۆژە یاسای ساڵی 2022ی هەرێمی کوردستان دەکات و بۆ ئەو مەبەستەش گفتوگۆ لەگەڵ سەرجەم وەزارەتەکان کراوە.

لە راگەیەندراوێکدا وەزارەتی دارایی و ئابووریی حکومەتی هەرێمی کوردستان رایگەیاند "به‌ مه‌به‌ستی ئاماده‌كردنی پرۆژه‌ یاسایی بودجه‌ی حكومه‌تی هه‌رێمی كوردستان بۆ ساڵی 2022 له‌ رۆژی 7ی تشرینی دووەمی 2021 له‌گه‌ڵ سه‌رجه‌م وه‌زاره‌ت و ده‌سته‌كان ده‌ستكرا به‌ گفتوگۆ و له‌ به‌رواری 21ی تشرینی دووەمی 2021 كۆتایی به‌ گفتوگۆكان هات له‌سه‌ر بودجه‌ی (به‌كارخستن) تشغیلی, جگه‌ له‌ وه‌زاره‌تی سامانه‌ سروشتییه‌كان كه‌ داتای پێویستیان نه‌بوو".

ئاماژە بەوەشکراوە "له‌ئێستادا چاوه‌ڕوانی داتا و زانیارییه‌كانی وه‌زاره‌تی سامانه‌ سروشتییه‌كان و بودجه‌ی وه‌به‌رهێنان ده‌كه‌ین بۆ ته‌واوكردنی ئاماده‌كردنی پرۆژه‌ یاساكه‌".

س،ر