مەودا میدیا-

بەڕێوەبەرایەتیی تەندروستیی هەڵەبجە رایگەیاند، لە چەند رۆژی داهاتوودا لەسەر بودجەی حکومەتی هەرێمی کوردستان 53 ‏بەرکەوتووی چەکی کیمیایی رەوانەی کۆماری ئیسلامیی ئێران دەکرێن.‏

لە راگەیەندراوێکدا بەڕێوەبەرایەتیی تەندروستیی هەڵەبجە باسی لەوەشکردووە "ئاستەنگی زۆریان بۆ هاتووەتەپێش لەسەر ناردنە ‏دەرەوەی ئەو بەرکەوتووانە، بەڵام دواجار هەوڵەکانیان بە هاوئاهەنگی لەگەڵ ‏نوێنەرایەتيی حکومەتی هەرێم لە تاران، بەرهەمی هەبووە و لە چەند رۆژی داهاتوودا 53 ‏بەرکەوتووی چەکی کیمیایی رەوانەی کۆماری ئیسلامیی ئێران دەکرێن".‏

هەر لە راگەیەندراوەکەدا داوا لە کەسوکار و ئەو بەرکەوتووانە کراوە، سەردانی نەخۆشخانەی چارەسەری ‏بەركەوتوانی چەكی كیمیایی بكەن لە هەڵەبجە بۆ هەمەهانگی زیاتر.‏

بەرکەوتووانی چەکی کیمیایی لە دۆخێکی دژواری تەندروستیدان و ساڵەهایە بەدەست ئاسەواری ئەو کیمیاییەوە دەناڵێنن کە لە ساڵی 1988 رژێمی لە ناوچوی بەعس کردی بەسەر شاری هەڵەبجەدا.

ر. ب