مەودا میدیا- کاروان رەسوڵ

سەرچاوەیەک رایدەگەیەنێت لەئێستادا عوسمانی حاجی مەحمود هیچ پرۆژەیەکی سیاسی نییە، باس لەوەش دەکات کەسانێکی زۆر لە هەموو حزبەکانی دیکە سەردانی دەکات و کۆبوونەوەی لەگەڵ دەکەن.

کەسێکی نزیک لە عوسمانی حاجی مەحمود، وەزیری پێشووتری ناوخۆی حکومەتی هەرێمی کوردستان ئیدارەی سلێمانی کە نەیویست ناوی ئاشکرا بکرێت قسەی بۆ مەودا میدیا کرد و دەڵێت "من رۆژانە بەشداری دانیشتنەکانی ماڵی کاک عوسمان دەکەم، هیچ پلان و بەرنامەی بۆ دروستکردنی حزب نییە".

ئەو سەرچاوەیە دەشڵێت "کەسانی پلەباڵا و ئەو کەسانەی لە حزبەکانی دیکە بێ ئومێنبوون سەردانی عوسمانی حاجی مەحمود دەکەن، داوای لێدەکەن بۆ ئێستا و لە گۆڕەپانەکەدا پرۆژەی هەبێت".

 ئەو سەرچاوەیە رایدەگەیەنێت "سەرکردە زویرەکانی بزووتنەوەی گۆڕان و بێ ئومێدبووەکان لەو بزووتنەوەیە لەگەڵ عوسمانی حاجی مەحمود کۆبوونەتەوە".

س،ر