مەودا میدیا- رێبین بازیانی

بەڕێوەبەری سەنتەری فریاکەوتنی سلێمانی رایگەیاند، بەرەبەیانی ئەمڕۆ دووشەممە تەرمی ژنێک لە نزیک گۆڕستانی بەکرەجۆ دۆزرایەوە کە ئاسەواری گولـلە بە جەستەیەوە دیارە، لەئێستاشدا تەرمەکەی بۆ پزیشکی داد لە سلێمانی گوازراوەتەوە.

ئەمڕۆ دووشەممە سامان نادر، بەڕێوەبەری سەنتەری فریاکەوتنی سلێمانی بە مەودا میدیای راگەیاند "بەرەبەیانی ئەمڕۆ تەرمی ژنێک لە نزیک گۆڕستانی بەکرەجۆ  دۆزراوەتەوە کە ئاسەواری گولـلە بە جەستەیەوە دیار بووە".

ئاماژەی بەوەشکرد "تیمەکانی فریاکەوتنی سلێمانی چوونەتە شوێنی رووداوەکە و تەرمەکەیان بۆ پزیشکی داد لە سلێمانی گواستووەتەوە".

ماوەیەکە رووداوەکانی کوشتن و خۆکوشتن لە هەرێمی کوردستان روویان لە زیادبوون کردووە و بەرپرسانی ئەمنی و شارەزایانی دەرونی هۆکاری رووداوەکان بۆ زۆربوونی چەکی بێمۆڵەت  لەناو هاوڵاتییان دەگەڕێنەوە.

ر. ب