مەودا میدیا-

وەزارەتی ناوخۆی عیراق کوژرانی کچێکی تەمەن 17 ساڵی راگەیاند لە ناوچەی ئەبوغرێب لە رۆژئاوای بەغدا راگەیاند، دواتر ئاشکرا بوو کچەکە لەلایەن دایکییەوە کوژراوە.

بەیانی ئەمڕۆ یەکشەممە 26ی کانونی یەکەمی 2021 وەزارەتی ناوخۆی عیراق لە راگەیەندراوێکدا رایگەیاند "دوای ئەوەی زانیاری بەردەست بوو بۆ مەفرەزەکانی دەزگای دژەتاوانی دەزگای کاروباری پۆلیس لەبارەی کوژرانی کچێکی تەمەن 17 ساڵ لە ناوچەی ئەبوغرێب لە رۆژئاوای بەغدا، دەستبەجێ دەستکرا بە لێکۆڵینەوە لە رووداوەکە".

ئاماژە بەوەشکراوە "دوای لێکۆڵینەوە دەرکەوت کە کچەکە لەلایەن دایکییەوە کوژراوە، لەکاتی لێکۆڵینەوەدا دایکی دانای نا بە تاوانەکەدا، لەئێستادا بەپێی مادەی 406 لە یاسای سزادانی عیراقی دایکەکە دەستگیرکراوە".

س،ر