مەودا میدیا-

ئێوارەی ئەمڕۆ لە رووداوێكی هاتووچۆدا له‌ سه‌ر رێگه‌ی كه‌لار – سلێمانی 7 کەس برینداربوون کە سەرجەمیان رەوانەی نەخۆشخانە کراون بەمەبەستی وەرگرتنی چارەسەر.

بەپێی راگەیاندراوێکی پۆلیسی هاتوچۆی گه‌رمیان، رووداوەکە لە نێوان دوو ئۆتۆمبێلدا بووە لەجۆری "نیسان سەنی" کە بە ئاراستەی دەربەندیخان رۆیشتووە  و "تویۆتا بیکاشۆ"یه‌ك كه‌ بەئاراستەی کەلار هاتووە روویداوە کە بەهۆیەوە 7 کەس برینداربوون.

ئاماژە بەوەشکراوە، شۆفێر و سەرنشینی هەردوو ئۆتۆمبێلەکە کە ژمارەیان 8کەس بووە 7 کەسیان برینداربوون و رەوانەی نەخۆشخانە کراون بەمەبەستی وەرگرتنی چارەسەر، خۆشبەختانە دۆخی بریندارەکان باشە  و چارەسەری پێویستی یان بۆ کراوە.