مەودا میدیا-

شانەی راگەیاندنی ئەمنی عیراق کوژرانی دوو تیرۆریستی داعشی راگەیاند لە سنووری شاری کەرکوک، ئاماژەی بەوەشکردووە دوێنێ چەندین ئۆپەراسیۆنیان لە ناوچە جیاوازەکان دژ بە چەکدارانی داعش ئەنجام داوە.

لە راگەیەندراوێکدا شانەی ئەمنی راگەیاندنی عیراق رایگەیاند "دوێنێ یەکشەممە 26ی کانونی یەکەمی 2021 توانیویانه‌ له‌ بۆسه‌یه‌كدا له‌ سنووری شاری كه‌ركوك دوو تیرۆریستی داعش بكوژن".

ئاماژە بەوەشکراوە "له‌ ناوچه‌ی ته‌رفاوی له‌ ڕۆژئاوای كه‌ركووك هێزه‌كانی فه‌وجی یه‌كی لیوای دووی پۆلیسی ئیتحادی له‌ بۆسه‌یه‌كی تۆكمه‌دا توانیان دوو تیرۆریست بكوژن كه‌ یه‌كێك له‌وانه‌ پشتێنی ته‌قاندنه‌وه‌ی به‌ستبوو".

ئەوەشخراوەتەڕوو "دوێنێ چەندین ئۆپراسیۆنمان لە دژی تیرۆریستانی داعش له‌ سنووری پارێزگاكانی دیاله‌، ئه‌نبار، نه‌ینه‌وا و چیای حه‌مرین ئه‌نجامداوە".

س،ر