مەودا میدیا-

وته‌بێژی حكومه‌تی هه‌رێمی كوردستان رایگه‌یاند، دوێنێ ئه‌نجومه‌نی وه‌زیرانی عیراق ره‌وانه‌كردنی 200 ملیار دیناره‌كه‌ی بۆ هه‌رێمی كوردستان په‌سه‌ندكردووه‌ و به‌م نزیكانه‌ ده‌خرێته‌ سه‌ر هه‌ژماری بانكی حكومه‌تی هه‌رێمی کوردستان.

ئەمڕۆ چوارشەممە جوتیار عادل، وته‌بێژی حكومه‌تی هه‌رێمی كوردستان له‌میانی كۆنگره‌یه‌كی رۆژنامه‌وانیدا  رایگه‌یاند "بۆ پلانی 2022 حكومه‌ت پابه‌نده‌ به‌ كارنامه‌ی كابینه‌ی نۆیه‌م، هه‌ر له‌م چوارچێوه‌یه‌دا پلانی خۆی ئاماده‌ ده‌كات".

ئاشکراشیکرد "دوێنێ ئه‌نجومه‌نی وه‌زیرانی عیراق ره‌وانه‌كردنی 200 ملیاره‌كه‌ی بۆ هه‌رێمی كوردستان په‌سه‌ندكردووه‌، ئومێده‌وارین له‌م چه‌ند رۆژه‌ی داهاتوو ئه‌و بڕه‌ پاره‌یه‌ بگاته‌ هه‌رێمی كوردستان".

سەبارەت بە هۆکاری سستی و خاوی لە پرۆسەی دابەشکردنی مووچەدا وتی "بەهۆی درەنگ هاتنی 200 ملیارەکە لە بەغداوە مووچە خاو دابەش دەکرێت و هەر کات پارە گەیشت لە چەند رۆژێکی کەمدا بەتەواوی مووچە دابەشدەکرێت".

ر. ئ.