مەودا میدیا-

درەنگانی شەوی رابردوو لە ناحییەی جەلەولا داعش هێرشكی كردە سەر لیوایەكی سوپای عیراق و كوژراو هەبووە.

خەلیل خوداداد، بەرپرسی كۆمیتەی جەلەولای یەكێتیی نیشتمانیی كوردستان بە مەودا میدیای راگەیاند "درەنگانی شەوی رابردوو ژمارەیەك لە چەكدارانی داعش هێرشیان كردە سەر لیوایەكی سوپای عیراق لە ناوچەكە".

ئەوەشی خستەڕوو "ئەو دوو چەكدارەی داعش ماتۆڕیان پێبووە، تەقەیان لە بازگەیەكی سوپای عیراق كردووە و بەهۆیەوە سەربازێك كوژراوە و سیانی دیكەش برینداربوون و چەكدارانیش هەڵهاتوون".

ناوە ناوە چەكدارانی داعش لە سنوری كەركوك و ناوچەكانی دەوروبەری و لە ناوچەی جەلەولا هێرش دەكەنە سەر سوپای عیراق و لە ماوەی رابردووشدا بەهۆی هێرشەكانیانەوە چەندین سەربازی سەر بە سوپای عیراقیان كوشتووە.