مەودا میدیا- سازگار ئەحمەد 

ئێوارەی ئەمڕۆ لە رێگای نێوان گوندی ئاوەسپی  و ناحییەی خان لە سنووری ئیدارەی گەرمیان ئۆتۆمبێلێک وەرگەڕا بەهۆی رووداوەکەوە دوو پێشمەرگە گیانیان لەدەستدا.

موقەدەمی مافپەروەر عەلی جەمال قدووری ، وتەبێژی پۆلیسی گەرمیان بە مەودا میدیای راگەیاند "ئێوارەی ئەمڕۆ لە رێگای نێوان گوندی ئاوەسپی  و ناحییەی خان   ئۆتۆمبێلێک لەجۆری ئۆپڵ کەشۆفێر و سەرنشینەکانی پێشمەرگە بوون لەکاتی گەڕانەوەیان بۆ ماڵەوە وەرگەڕان".

ئاماژەی بەوەشکرد "لەئەنجامی رووداوەکە دوو پێشمەرگە بەناوەکانی (مسعود رەحمان ڕەحیم ) لەدایکبووی 1998 دانیشتووی ناحییەی جەبارە و (مستەفا عەزیز ولی ) لەدایکبووی 1994 دانیشتووی قەزای خانەقین گیانیان لەدەستدا".

وتەبێژی پۆلیسی گەرمیان ئەوەشی خستەڕوو "لە رووداوەکەدا پێشمەرگەیەکی دیکەش برینداربووە".