مەودا میدیا-

ژنان بەردەوام پێویستیان بە دەربڕینی خۆشەویستی، لێكتێگەیشتن، سۆزداری و رێزگرتنی كەسایەتی هەیە لەگەڵ پەیوەندییەكی راستگۆیانە.

د.روبرت لویس لە نووسینێكیدا 25 سیفەتی خستووەتەڕوو كە ئەگەر لەپیاواندا هەبن دەبنە نموونەیی و ژنەكانیشیان زیاتر خۆشیاندەوێن.

پلانی ئاییندە

یەكەم- بۆچوونی ژنەكەت وەربگرە لەكاتی دانانی پلانی داهاتووی ژیانت.

دووەم- لەسەر بەرپرسیارێتییەكانی ماڵ گفتوگۆ لەگەڵ ژنەكەت بكە و بەشێوەیەكی دادپەروەرانە لەنێوان خۆتاندا دابەشیبكەن.

سێیەم- لەگەڵ ژنەكەت گفتوگۆ بكە لەبارەی خەرجییە سەرەكییەكانی ماڵەوە.

چوارەم- پەیوەستبە بەو بەڵێنانەی بە ژنەكەتی دەدەی.

پێنجەم- لە پێداویستییەكانی منداڵەكەت تێبگە و داواكارییەكانی بەپێی تەمەن لەبەرچاوبگرە.

شەشەم- لەبارەی قۆناغە جیاوازەكانی هاوسەرگیرییەوە و ئەو كێشانەی رووبەڕووت دەبنەوە زانیاریی وەربگرە.

دابونەریتی هاوسەرگیریی

حەوتەم- بەردەوام خۆشەویستی خۆت بۆ ژنەكەت دووپاتبكەرەوە.

هەشتەم- خەرجییە بنەڕەتی و پێویستەكانی خێزان دابینبكە. 

نۆیەم- دووربكەوەرەوە لە باسكردنی هەموو ئەو بابەتانەی كە هاوسەركەت پێیخۆش نییە.

دەیەم-  بەشێوەیەكی رێكخراو لەگەڵ هاوژینەكەت نوێژبكە.

یازدەیەم- كۆمەڵێك دابونەریتی تایبەت بە خێزانەكەتان دابنێ‌ كە سوودبەخش بێ و لە خێزانەكانی دیکە جیاتان بكاتەوە.

دوازدەیەم- كاتی خۆش و بەچێژ بەشێوەیەك رێكخراو بۆ خێزانەكەت دروستبكە.

سیازدەیەم- كاتی پێویست لەگەڵ منداڵەكانت بەسەرببە و رێنوینی پێویستیان پێبدە.

چواردەم- دەبێت خشتەی كاركردنی ناو ماڵتان هەبێت بەشێوەیەك چارەسەری تیادا بێت بۆ چارەسەركردنی هەر گرفتێك كەوا بێتە ئاراوە.

پازدەیەم- پارێزگاری لە خێزانەكەت بكە بەبێ قەرزكردن.

شازدەیەم- ژن و مێرد دەبێت راسپاردە یان پلانی داهاتوویان بۆ منداڵەكانیان.

حەڤدەیەم- ژن و منداڵەكانتان بەدوور مەگرە لە كارە تایەتەكانی ژیانت. 

هەژدەیەم- لایەنی رۆحی خێزانەكەت لەبەرچاوبگرە. 

نۆزدەیەم- زوو زوو سوپاسی هاوسەرەكەت بكە بەشێوەیەكی ئاشكرا.

بیستەم- بابەتە هەستیارەكان بۆ منداڵەكەت باسبكە بەشێوەیەك تێڕوانینی راست و هویابەخشی بەرانبەر بە ژیان پێببەخشێت.

بیست و یەك- .ژنەكەت هانبدە بەرابنەر پێشكەوتن و دەستكەوتەكانی لەسەر ئاستی ژیانی تایبەتی و زانستی.
 
بیست و دوو-  كۆمەڵێك بنەمای دیاریكراو بۆ پاراستنی بەهاكانی خێزانی دابنێ بەشێوەیەك هەموو ئەندامانی خێزان پەیڕەوی لێبكەن.

بیست و سێ- كاتی پێویست بۆ ژنەكەت تەرخانبكە كاتێك بەدوای بەدیهێنانی بەرژەوەندی و دەستكەوتە تایبەتەكانییەتی.

بیست و چوار- بەشداریی پێبكە لەو كۆمەڵە بچوكانەی پیاوان كە گرنگی بە ژیانی خێزانی دەدەن.

بیست و پێنج- ئامادەبە بۆ بەكارهێنانی ئەم دەستەواژەیە بەرانبەر هەموو ئەندامانی خێزان "لێم ببوورە".

س،ر