مەودا میدیا-

زۆر كات لە ژیانماندا رووبەڕووی ئەو دۆخە دەبینەوە كە هەڵەیەك دەكەین و پێویست دەكات داوای لێبوردن لە بەرانبەرەكەمان بكەین، ئەمەش رەفتارێكی جوانە، بەڵام وتنی "داوای لێبوردن دەكەم" بۆ هەموو بابەتێك راست نییە، پێویستە بزانیت چ بابەتێك شایەنی ئەوەیە داوای لێبوردنی بۆ بكەیت.

هەرگیز بۆ ئەم بابەتانە داوای لێبوردن مەكە.

1. ئەو كاتەی كەسێكت خۆشدەوێت و دەكەویتە داوی خۆشەویستییەوە.

2. ئەو كاتەی رات جیاوازە و دەتەوێت بڵێیت "نەخێر".

3. دەتەوێت دوای خەونەكانت بكەویت و بیانهێنیتە دی.

4. پێویستت بە كاتی تایبەتی خۆت هەیە و ناتەوێت كەسانی دیكەت لەگەڵ بێت.

5. دەتەوێت كۆتایی بە پەیوەندییەكی خراپ بهێنیت كە هیچ هەست بە ئاسودەیی ناكەیت تێیدا.

6. كاتێك وەڵامی پرسیارێك نازانیت یان زانیاریت دەربارەی نییە.

7. ئەو كاتەی بەرانبەرەكەت هەڵەیەك دەكات، هیچ هەڵەیەكی تۆی تێدا نییە.

8. ناتەوێت وشەی ناڕاست بەكاربهێنیت و راشكاو دەبیت لەوەی راستییەكان بڵێیت.

ر. ئ.