مەودا میدیا-

ئاژانسی هەواڵی میهر رایگەیاند، لە هێرشەکەی شەوی رابردووی سەر هەولێر کەسێک بە ناوی (ئەیلاک رۆڤێن) بە پۆستی فەرماندەی بەشی تیرۆری رێکخراوەی سیخوڕی ئیسرائیل کوژرا.

بە گوێرەی هەواڵێکی ئاژانسی هەواڵی میهری ئێرانی کە تێیدا هاتووە "بەپێی راپۆرتی ئاژانسی هەواڵی مێهر، لە هێرشی فڕۆکەی بێفڕۆکەوان بۆ سەر کۆنسوڵخانەی ئەمەریکا لە نزیک فڕۆکەخانەی هەولێر، کەسێک بە ناوی (ئەیلاک رۆڤێن) بە پۆستی فەرماندەی بەشی تیرۆری رێکخراوەی سیخوڕی ئیسرائیل کوژرا".

لە هەواڵەکەی ئاژانسی میهردا هاتووە "خالید ئەسکیف، هەواڵنێری ئەلمیادین لە تویتەری خۆیدا نووسیویەتی، ماڵپەرە عیراقییەکان هەواڵی کوژرانی ئایلاک رۆڤێن بەرپرسی بەشی تیرۆری زایۆنییەکانیان بڵاوکردووەتەوە کە لە هێرشەکەی هەولێردا مردووە".

ئەوە لەکاتێکدایە شەوی رابردوو بە فڕۆكەیەكی بێفڕۆكەوانی بۆمبڕێژكراو هێرشێك بۆسەر هەولێر ئەنجامدرا، فڕۆكەكە لە شەقامی سەرەكی هەولێر-پیرمام كەوتە خوارەوە و بەهۆیەوە سێ هاوڵاتی برینداربوون، چەند ئۆتۆمبێلێكیش زیانیان بەركەوت.

ر. ئ.