مەودا میدیا-

ئه‌مینداری گشتیی یه‌كگرتوی ئیسلامی کوردستان رایدەگەیەنێت ئه‌وه‌ی له‌ عیراق رووده‌دات، ده‌رئه‌نجامه‌ و شكستی ده‌سه‌ڵاتدارانه‌، ئاماژە بەوەشدەکات دۆخی كۆمه‌ڵایه‌تی شڵه‌ژاوه‌ و ده‌بێت ده‌سه‌ڵاتداران هۆشیارانه‌تر مامه‌ڵه‌ بكه‌ن.

سه‌ڵاحه‌دین محه‌مه‌د به‌هادین،  ئه‌مینداری گشتیی یه‌كگرتوی ئیسلامی كوردستان رایگه‌یاند "ئه‌وه‌ی له‌ عیراق رووده‌دات، ده‌رئه‌نجامه‌ و شكستی ده‌سه‌ڵاتدارانه‌، هەروەها دۆخی هه‌رێمی كوردستانیش له‌ دۆخی عیراق باشتر نییه‌ و ئه‌دائی حكومڕانی و سیاسی و دارایی باش نییه‌".

ئه‌مینداری گشتیی یه‌كگرتوی ئیسلامی ئاماژەی بەوەشکردووە "دۆخی كۆمه‌ڵایه‌تی شڵه‌ژاوه‌ و ده‌بێت ده‌سه‌ڵاتداران هۆشیارانه‌تر مامه‌ڵه‌ بكه‌ن".

دەڵێت "ئیمان و به‌ها باڵاكان له‌ هه‌ر شوێن و كۆمه‌ڵگه‌یه‌ك پیرۆزیی خۆیان هه‌یه‌ و له‌سه‌ر بنه‌مای ته‌رازوی شه‌ریعه‌ت بابه‌ته‌كان پەسند ده‌كه‌ین و یا ڕه‌تیده‌كه‌ینه‌وه‌و بێگومان له‌ وڵاتانی ده‌ره‌وه‌ ئازادی فه‌راهه‌متره‌ بۆ ئه‌م بابه‌تانه‌، ده‌بێت به‌ پاراستنی پێناسه‌ی ئیسلامی و كورده‌واری خۆتان هاوڵاتیی بونی خۆتان له‌و كۆمه‌ڵگەنه‌دا به‌ماف و ئه‌ركه‌وه‌ ئه‌نجامبده‌ن".

س.ر