مەودا میدیا- رێبین ئەشرەف

فەرماندەی هێزی ئێزیدخان رایدەگەیەنێت، بۆمبێک بەیەکێک لە ئۆتۆمبێلەکانیاندا لکێندراوە و پێشئەوەی بگاتە ناو سەربازگەکەیان پێیزاندراوە و تەقیوەتەوە، هیچ زیانێکی گیانی نەبوو.

 

دوای رووداوەکە لە لێدوانێکدا بۆ مەودا میدیا حەیدەر شەشۆ، فەرماندەی هێزی ئێزدخان لە سنووری شنگال رایگەیاند "بۆمبەکە لکێندراوە بە یەکێک لە ئۆتۆمبێلەکانی و پێش ئەوەی ئۆتۆمبێلەکە بگاتە نێو سەربازگەکەی، تەقیوەتەوە و هیچ زیانێکی گیانی نەبووە".

 
رووداوەکە لە کۆمەڵگەی دووهێلانی سەر بە قەزای شنگال روویداوە، بە وتەی حەیدەر شەشۆ "تەنها زیان بە ئۆتۆمبێلەکە گەیشتووە و هیچ زیانێکی  گیانی رووی نەداوە".

ئاماژەی بەوەشکرد "هێزە ئەمنییەکانی عیراق هاتوونەتە شوێنی رووداوەکە بۆ لێکۆڵینەوە و پشکنین، تائێستا هیچ تۆمەتبارێک لەسەر رووداوەکە دەستگیرنەکراوە".

 

ر. ئ