مەودا میدیا- پرژە عەتا

وەزارەتی دارایی رایگەیاند، سبەینێ پێنجشەممە چواری ئاب مووچەی هێزەکانی زێرەڤانیی، فەرماندەی، بەرگریی و فریاکەوتن دابەشدەکرێت.

بە گوێرەی ئەو خشتەیەی وەزارەتی دارایی و ئابووریی حکومەتی هەرێمی کوردستان بڵاویکردووەتەوە، سبەینێ پێنجشەممە مووچەی هێزەکانی زێرەڤانی، فەرماندەیی، بەرگریی و فریاکەوتن دابەشدەکرێت.

هاوکات وەزارەتی دارایی و ئابووری راشیگەیاند، رۆژی یەکشەممەی هەفتەی داهاتوو مووچەی هەریەکە لە (کاروباری شەهیدان و ئەنفالکراوان، کەسوکاری شەهید و ئەنفالکراوان و زیندانییە سیاسییەکان) دابەشدەکرێت.

رۆژی دووشەممەی رابردوو وەزارەتی دارایی خشتەی مووچەی مانگی تەمموز (حەوت)ی بڵاوکردەوە، یەکەم شوێنیش وەزارەتی تەندروستی مووچەی وەرگرت.

ر. ئ