مەودا میدیا- پرژە عەتا

وەزارەتی شارەوانی رایگەیاند، رەزامەندییان لەسەر خەرجکردنی نزیکەی ملیارێک دینار داوە بۆ کێشەی کەم ئاوی و لێکەوتەکانی وشکەساڵی لە قەزای کۆیە.

وەزارەتی شارەوانی و گەشتوگوزار حکومەتی هەرێمی کوردستان رایگەیاند "رەزامەندییان داوە لەسەر خەرجکردنی بڕی  999  ملیۆن و 821 هەزار و 180دینار بۆ جێبەجێکردنی پرۆژەکانی وشکەساڵی و چارەسەرکردنی کێشەی کەم ئاوی لە قەزای کۆیە و دەورووبەری".

تارق حەیدەری، قایمقامی قەزای کۆیە رایگەیاند، گرفتی ئاو لە کۆیە لەنێو تۆڕی ماڵان و گوندەکاندا هەیە، زۆرینەی بیرەکانی گوندەکانی سنووری کۆیە وشکبوون و بە تەنکەر ئاویان بۆ دەنێرین.

قایمقامی کۆیە دەڵێت "بڕیاری خەرجکردنی پارەکە لە وەزارەتی داراییە و دوای کارە ئیدارییەکان ئەوان دەست دەکەن بە جیبەجێکردنی پلانەکان، پارەکە لەسەر بودجەی وەزارەتی شارەوانی و گەشتوگوزار بۆ ساڵی 2022 تەرخانکراوە، بە شێوەی نەختینە بە قۆناخ خەرجدەکرێت.

ر. ئ