مەودا میدیا-

پۆلیسی سلێمانی رایدەگەیەنێت، مه‌فره‌زه‌كانی‌ پۆلیسی‌ نه‌هێشتنی‌ تاوانی‌ چه‌مچه‌ماڵ دوو تۆمه‌تباریان ده‌ستگیركرد كه‌ بڕێك ئاڵتون‌ و پاره‌یان دزیبوو.

بەڕێوەبەرایەتیی پۆلیسی سلێمانی لە راگەیەندراوێکدا ئاماژەی بەوەکرد "دوای‌ ئه‌وه‌ی‌ هاوڵاتییه‌ك له‌ پۆلیسی‌ نه‌هێشتنی‌ تاوانی‌ چه‌مچه‌ماڵ سكاڵای‌ تۆماركرد كه‌ بڕێك ئاڵتون‌ و پاره‌ی لێدزرا‌وه‌، ده‌ستبه‌جێ هێزه‌كانی‌ پۆلیس لێكۆڵینه‌وه‌كانیان بۆ دۆزینه‌وه‌ و ده‌ستگیركردنی‌ تۆمه‌تبار ده‌ستپێكرد، سه‌ره‌نجام توانرا له‌ ماوه‌یه‌كی‌ كه‌مدا دوو تۆمه‌تبار ده‌ستگیربكرێت".

"هه‌ردوو تۆمه‌تبار (هـ، م، م) له‌دایكبووی‌ 2004 و (ی، ج، أ) له‌دایكبووی‌ 2004 له‌به‌رده‌م دادوه‌ردا دانیان به‌تاوانه‌كه‌یاندا ناوه‌" پۆلیسی سلێمانی وادەڵێت.

ئەوەشی خستووەتەڕوو، له‌ئێستادا به‌بڕیاری‌ دادوه‌ر و به‌پێی‌ ماده‌ی‌ 443 له‌یاسای‌ سزادان راگیراون‌ و لێكۆڵینه‌وه‌كان به‌رده‌وامه‌.

ر. ئ