مەودا میدیا-

بەگوێرەی خشتەی پشووەکانی حکومەتی هەرێمی کوردستان و به‌ بۆنه‌ی هاتنی رۆژی 10ی موحه‌ڕه‌مه‌وه‌ کە بە عاشورا ناسراوە ئەو رۆژە دەکرێتە پشوو لە هەرێمی کوردستان، کە رۆژی دووشەممە دەکات.

 

ساڵانە له‌ هه‌رێمی كوردستان، رۆژانی یەکەم و 10ی مانگی موحه‌ڕه‌می ساڵی كۆچی له‌ سه‌رجه‌م داموده‌زگاكانی حكومه‌ت دەکرێتە پشووی فه‌رمی.

 

ئەمساڵ 10ی موحەڕەم بەپێی ساڵنامەی کۆچی دەکەوێتە رۆژی دووشەممەوە و ئەو رۆژەش لە سەرجەم دامودەزگاکانی حکومەتی هەرێم دەکرێتە پشووی فەرمی. 

رۆژی عاشورا دەکەوێتە 10یەمین رۆژی مانگی موحەڕەم کە یەکەم مانگی ساڵنامەی کۆچییە، ئەو رۆژە گرنگی تایبەتی هەیە لای مسوڵمانەکان و پەرستشی تێدا ئەنجامدەدەن و بەرۆژودەبن، هاوکات هەر لەو رۆژەدا شیعەکان ماتەم دەگێڕن بەهۆی یادکردنەوەی شەهیدبوونی ئیمام حسێن.

ر. ئ