مەودا میدیا- پرژە عەتا

وەزارەتی خوێندنی باڵا و توێژینەوەی زانستی حکومەتی هەرێمی کوردستان، بەمەبەستی ئاسانکاری و کەمکردنەوەی رۆتین لە دامەزراوەکاندا بە رێگەی سیستمی ئەلیکترۆنی پرۆژە خزمەتگوزارییەکانی پێشکەش دەکات.

ئەمڕۆ یەکشەممە حەوتی ئابی 2022 بە ئامادەبوونی د. توانا نەجەف محمد خان، بەڕێوەبەری گشتیی کارگێڕی و دارایی، لە رێوڕەسمێکدا کۆتایی بە خولێکی پێشکەوتووی بەڕێوەبردنی ویندۆز سێرڤەر هات کە بۆ ماوەی دووه هەفتە لەلایەن پەیمانگەی ( الماجد) بۆ فەرمانبەرانی بەڕێوبەرایەتیی تەکنەلۆجیا و زانیاری/بەشی نێت ۆرک سازکرابوو تیایدا بڕوانامە بەسەر بەشداربووان دابەشکرا.

بەڕێوبەرایەتیی گشتی و کارگێڕی و دارایی رایگەیاند "وەزارەتی خوێندنی باڵاو توێژینەوەی زانستی زۆرترین خزمەتگوزاری بە شێوەی ئەلیکترۆنی پێشکەشکرد بە چینو توێژەکانی سەر بە وەزارەت دەکات".

باسی لەوەشکردووە "لەو چوارچێوەیەدا هەریەک لە سیستمە ئەلیکترۆنییەکانی ( یەکسانکردنی بڕوانامەکان، زانکۆلاین، بەدواداچوونی بەڵگەنامەکان، سەرچاوەمرۆییەکان، سێنتەرەکانی زمان، خوێندنی تایبەت، دارایی، نێردراوان و زانیاری خوێندکاران) لە دیارترین ئەو سیستمانەن کە وەزارەتی خوێندنی باڵا پێشکەشی خوازیارانی دەکات، ئەو ئاسانکارییە دەبێتە هۆرکارێک بۆ کەمکردنەوەی رۆتین لە دامەزراوەکاندا".

ر. ئ