مەودا میدیا-

بەرگریی شارستانیی هەولێر رایگەیاند، ئەمڕۆ هەینی گەنجێک لەکاتی مەلەکردن لە زێی گەورە لە قەزای خەبات خنکاوە.

لە راگەیەندراوێکدا بەڕێوەبەرایەتیی بەرگریی شارستانیی هەولێر ئاماژەی بەوەکرد، گەنجەكە ناوی (سامر محێدین حمێی)ە و تەمەنی 26 ساڵە و خەڵكی رۆژئاوای کوردستانە.  

  

هەر بەگوێرەی راگەیەندراوەکەی بەرگریی شارستانیی هەولێر کە تێیدا باس لەوەکراوە ئێستا تیمەکانیان خەریکی دۆزینەوەی تەرمەکەن.

لەگەڵ دەستپیکردنی وەرزی گەرما هاوڵاتییان بۆ فێنکردنەوە و چێژ وەرگرتن لە مەلەکرد پەنادەبەنە بەر چەم و رووبار و دەریاچەکان، بەڵام زۆرجار خۆشییەکەیان لێ دەشێوێت و کارەسات روودەدات.

ر. ر