مەودا میدیا- سازگار ئەحمەد

بەڕێوەبەرایەتیی گشتی حەج و عومرەی هەرێمی کوردستان ئاشکرایکرد عەرەبستانی سعودییە بڕیاریدا لەمەودوا ئەو کەسانەی عومرە دەکەن لەگەڵ خۆیان دەتوانن منداڵ ببەن.

کاروان ستونی، وتەبێژی بەڕێوەبەرایەتیی گشتی حەج و عومرەی هەرێمی کوردستان بە مەودا میدیای راگەیاند "لەمەودوا ئەو کەسانەی عومرە دەکەن دەتوانن منداڵەکانیان بۆ گەشتی عومرە لەگەڵ خۆیان ببەن".

ئاماژەی بەوەشکرد "منداڵی کەمتر لە پێنج ساڵ پێویستی بە رێپێدان نییە، بەڵام منداڵی گەورەتر لە پێنج ساڵ پێویستی بە رێپێدان هەیە، هەروەها ئەم بڕیارە عومرەکارانی ناوخۆ و دەرەوەش دەگرێتەوە".

س.ر