مەودا میدیا-

بە تۆمەتی بازرگانی و بەکارهێنانی مادەی هۆشبەر، لە شاری کەرکوک 16 کەس دەستگیرکران. 

هەر لەو چوارچێوەیەدا، بەڕێوەبەرایەتیی بەرنگاربوونەوەی مادەی هۆشبەری کەرکوک، رایگەیاند "دوای کۆکردنەوەی زانیارییەکان و لێکۆڵینەوە لە دۆسێیەکە، هەروەها بە هاوکاری لایەنە ئەمنییەکانی دیکەی شاری کەرکوک، توانیان 16 کەس دەستگیر بکەن".

وتیشی "ئەو کەسانە چەند جۆرێک مادەی هۆشبەریان پێبووە و بە نیازبوون لەناو گەنجانی کەرکوکدا بڵاویبکەنەوە".

ئەوەشی ئاشکرا کرد "هێشتا بۆیان روون نەبووەتەوە، داخۆ ئەو کەسانە بە شێوەی گروپ و تۆڕ ئیشیان کردووە یان سەربەخۆیانە بەو بازرگانییە رەشە هەستاون".

ر. ئ