مەودا میدیا-

بڕیارە ئەمڕۆ چوارشەممە ئەنجومەنی وەزیرانی هەرێمی کوردستان لەسەر پرسی ئاڵۆزییەکانی نێوان هەولێر و بەغدا کۆبێتەوە و چەند پرسێکی دیکەش تاوتوێبکات.

فەرمانگەی میدیا و زانیاری لە ئەنجومەنی وەزیرانی حکومەتی هەرێمی کوردستان رایگەیاند "ئەمڕۆ چوارشەممە 17ی ئابی 2022 کۆدەبێتەوە و پرسی داواکارییەکانی حکومەتی بەغدا لە حکومەتی هەرێم تاوتوێدەکات".

ئاماژە بەوەشکراوە "لە کۆبوونەوەکەدا داوا ناڕەواکانی حکومەتی بەغدا سەبارەت بە پرسی نەوت و غاز و داواکارییەکانیان لە سامانە سروشتییەکانی هەرێم دەخرێتەڕوو".

ئەوەش لەکاتێکدایە، لیژنەی پەیوەندییەکانی ئەنجومەنی پیرانی ئەمریکا، لە پرۆژە یاسایەکدا بۆ حکومەتی ئەو وڵاتە، دژی بڕیارەکانی دادگەی فیدراڵی وەستایەوە و پشتیوانی خۆی بۆ حکومەتی هەرێم دوپات کردەوە.

س.ر